العودة   منتديات اسوار 2014 > منتديات الشعر والخواطر و القصص والروايات > اشعار و قصائد مسموعه mp3 - اشعار حب حزينه
هل نسيت كلمة المرور؟

اشعار و قصائد مسموعه mp3 - اشعار حب حزينه اشعار و قصايد حب و عشق و غزل و اشعار حلوه و عتاب و شوق قصيره مكتوبه 2013 - 2014 و قصايد فراق

خــــــواطــر منوعه

اشعار و قصائد مسموعه mp3 - اشعار حب حزينه

إضافة رد
 
LinkBack أدوات الموضوع إبحث في الموضوع
قديم 06-29-2010, 06:45 PM   رقم المشاركة : ( 1 )

الصورة الرمزية جوررريه

الملف الشخصي
رقــم العضويــة 519872
تـاريخ التسجيـل Dec 2009
العــــــــمـــــــــر
الــــــــجنــــــس  female
الأقـــــــامـــــــة
الدولــــــــــــــــة
المشاركـــــــات 3,158 [+]
عدد الــمواضيع
عدد الـــــــردود
عدد الـــنقــــــاط 126
قوة التـرشيــــح جوررريه will become famous soon enoughجوررريه will become famous soon enough
بيانات اضافيه [ + ]

جوررريه غير متواجد حالياً

Icon28 خــــــواطــر منوعه

اخبّي مع فتات الحلم .. يدّي .. داخل جيوبي
.......... واروح انقل لها بَردْي .. بدَل .. ماهي تدفااا بي !!
على حد الصباح اشرب صباح الجرح .. ياكوبي
.......... وعلى جرح الصباح اصرخ : عشاااني رجّع احبابي !!
.
.
فيـني ضجيج .. ومعظمي جـو ساكن ..!!
..............وفي نظرتي رحله .لعالم .. بـراءه ..!!
طــفله .. وماتشبهني .. الا "الأمـاكن" ..!!
.............هـدوء طبعي .. امتزج .. مع جراءه ..!!
...............
مابي شي .. مْـن )الحـياة ( .. بكبرها
............الا اني اشعر .. ان هذي ) حـياة ( ..!!
....................
صفّق بموجك /لموجك ..يزدهر دربه
............. لملم شتات البواخر/ شتت اللمه ...!!
رح صافح الغيم..خل الشمس تفخر به
............واضحك / يسيل (المطر) ولهان من فمه..!!
قدامك الطفله.. اللي... تقهر الغربه
..........ولو البشر ضدها ..ماهي بمهتمه...!!
لاشافت ان الحمام يطير في سربه
......... [ تفرد يديها ]عشان تطييير وتضمه.!!
..........................
.
مليت اوقـّف..||ورا الشبّاك|| ..وانْــتَظْرِك
.............. يااااخي وبعدين .. مــع غيباااتك المُـرّه...!!
.................

.
للصدفه ..وقعٍ ..بعض الاحيان ..يآلم
............ تعض منْه شفاك .. وتصيح بك : يوووه!!
واللي بعد مثلي للاحـزان .. والــم
........... اللي مـسح دمعتـهم .. اليوم بـكّوووه!!
ماهو قهر يترك || لجل حُب || ..عالم
...........اكبر قهرر ..لا حَب|| عااالم || .. وخـلّووه!!

.
اعطّر انفاسي ..بــ (شانيل) لافاح
.......وابلل بدمعي ...... جفاف المحابر.....!!
طب انت قلّي : انك بخير .. برتاااح
...... موّتني فراقك ..وصمتك ..مقابر..!!
ماطحت بس القلب من غيبتك طااااح
.......عجزت اخبّي هالشعور .. واكاااابر..!!
.
يانسـمة الصبح .... ياديمـومة الوااادي
.............ياللي على ضلوع مغلينك../تمرجحتي ..!!
غيرك اذا راح عادي..وان رجع عااادي
............وانتِ .. كأن الحياه تروح ... ../لارحتي ..!!
..........................
عن اذنكم ../بموووت
.........بموووت ..لجل القاااه!!

ماعاد باقي ..صوت
........ماصاح ../.. ماناداه!!

كل م السنين ..تفوت
........تبقى هنا.../..ذكراااه!!

تاابوت ../ياتااابوت :
..........خلّه ../انا ابغاااه!!

والا خذه .../للموووت!!
..........وخذني انا ../ويّااه!!

...........

يمه ضحكاتك صباح لْطفلة آلارجوحه
............... اضحكي .. خلّيها تبدا ... يومها مرتاحه ...!
مادريتي ليه انام...وغرفتي مفتوحه
............ لنّ طلاتك ..... (سمآ) .... لاحلامي الصدّاحه ..!
.
................................
في مثل هذا اليوم ..ياشبّاكي
.................طاحت هنا بنت ..وهنا عصفوره !!

ماتت.. بأحضان الصباح الباكي
..................ومن يومها ..ماعاد يشرق نوره!!

كان الألم .. ساعتها .. فوق ادراكي
............... واللي بقالي ..\دمعتين..وصوره!!
.
............................................

آحسِ صدري صبح..والقلب عصفور
.........وآحسِ ضلعي ناي .. والحلم راعي !!

رتبت لك آمالي البيض .. بالدور
........قومي اقطفيها .. لا يهمك ضياعي !!

ياللي بدمعك نور ..\ وبضحكتك نور
.......(ايييه افرديها .. ما لبو الهم داااعي )

.......................
.
متى تشرين يرميني بدربه ؟؟
.........هذاااك اللي بكلْماااته ..ادندن
خذيتيه وأنا احتاج .. قربه
..........[حرااام اللي تسوينه ..يالندن ]..!
................


.
.
يـ الطف من انسام .... [ الصباح ]
............. واقسى من جْروح ... [ البطا ] ...!

ياخي ترا اللي راااح ... راح
............. يكفي اعترافي ........ بالخطا ...!

........................................

إنسى جروحك..... وافتح الشبّاك
.................. واصنع بـ اصابيع الفجر .... [ غيمه ] ..!

اموووت بك ... لجل اسكنك .. واحياك
.................. احياك .... \لجل آحسّ لي .... [ قيمه ] ...!
...................................

.
.
كلّ ليله .. \اذبح لجرحي حمام
..........واحكي لحلمي .\..حكايه مُحزنه !!
نااام ياجرحي دخيلك..\ نام نام
............لازم يحن الغريب ....\ لموطنه!!

........................
.
.
.
ما شفتني .. والجو .. [متشبّع مطر]
........احضن بيدّين الجفاف ... قْلادتي !!
عطني عمر من فرْح ..يافرْح العمر
........عودتني احزن ... ولااهي عادتي !!
انا..اللي لاجرّح بضحكاتي .... الكدر
.........اكدّره .. واضحك كذاا ...... بـ ارادتي !!

......................
.
.
.
هنا الأفواه ...... \ تتزاحم مع الأفواه
............. على فْتات .... الكلام .... [ وتخنق اسماعي ] ..!
.......................
.
.
.
ياااخي احس الصباح اليوم ..مو عادي
..........صوته حزين ...\. وحكايه جرح فـ عيونه!َ!
ذكرني بحزن قلبي ...\ [يوم ميلادي]
.........يوم اني جيت ولقيت الناس ...... من دونه !!
.......................

.
.
غيابك ..وحزني ..وجرحي ..وبيتك
.......والحب ..ودموع الوله ..والعصافير!!
كل ما اصد عيوني عنها .. لقيتك
..... [وشلون ابقضي .. باقي ايامي بخير] !!
...............................

.
.
.
اطعن جروحك ... بإبتسامه تفاؤل
.............. وارحل لجل خاطر طموحك ..... [ مسافات ] ...!

.............................

ياللي بعَد فرقاك ..آحس بإعياء
.................... ويطرد وراي الليل .. واطارد الضي !!
خطّيت فـ غيابك .. على صفحةالماء:
.................... [اي شيِّ في غيبَتْك ../ مايعتبر شي] !!

............................
.
ماكنت احبك .. ابد .. بس كنت احياناً
..........اموت لامن سمعت اسمي .. على لسانك!!
...............................

.
في زحمة المقهى ..[ قلوب ]
.................. دايم تغص ..بـ هـمّها !!
ووجيه يرسمها ..\ الشحوب
..................وورود ..... محدٍ شمّها !!
هنا الايادي .. فــ [الجيوب]
.................والبرد .. \ نشّف دمّها ! !
هنا ..مسااافات و دروب
...............ياما خذتني .... يمّهاااا !!
........................
.
.
[ غيااااب ...\ الحضور ]

.
.
اشتاق للماضي
كثييير \.....واشتاقك ..!!
و ابعثر اغراضي
والملم اوراقك ..!
وجنب الغدير هْنااك ..
اغرف بيديني ..\ شوق
وابكي ... ولا القاك ..!
وارفع عيوني فووووق
وآتوووق لعيونك !!
ياشيخ.. \ وشلونك !!
واللي خلَقْك اني :
(.. بموووت من دونك!!)
حبيبي .. حتى الورد
في غيبتك ذابل !!
بعدك .. ذبَحْه البرد
واغتاله الوابل !!
تذكر .. سوالفنا !!
تذكر .. معاطفنا !!
يوم الشتا ...\ قااااسي
كانت تدفينا !!
.......كانت تلاطفنا !!
تذكر اغانينا
ومصافح ايدينا !!
يوم انتجمع حلم
ويضمنا .. مينا !!
من جد ..\ احتاجك !!
بس انت.. تعْرفني
ماودي .. ازعاجك !!
كنت امس .. بتْهَوّر
واجيلك ..\ تصوّوور !!
بس خفت .. احراجك !!
ياشيخ... \ ارحمني
مليت... اكتمْني !!
واتنفس غياااابك !!
واجلس ..\ وأرسمني
مابين .. احبابك !!
حبيبي .. ياراحل
وتارك لي ... \ الساحل
والورد .. واحزاني !!
لا تقووول : وش جاني !!
بعدك انا بغربه
تعاااال
خذني لك ....\
او جب لي ... اوطااااني !!
.
.
.
.
للماضي..التحنان .. للغايب : اش جاه !!
..............اللي صباح الورد .... من تحْت سوره!!
4
الغايــب .. اللي كـل ماقلت ... : بنْساااه
..............تعكس وجيه الناس له .. الفِ صوره!!
اتنفس غيابه .. وتخنقني .. اشياه !!
...........وتنحت ضلوعي ..في ضلوعي .. سْطوره!!
احساسي انه شيّ .. ماراح ... القاه
.............يجبرني احضن في غيابه...حضوره !!
الورد ذابل ..مثلي الورد .. يبغاااه !!
..........لجل ايش ..!! .. يحرمنا كذا .. من مروره
الدمع .. والشمع .. \ وبقايا هداياه
......... والجرح .. \والصـبح .. وتناهيد نــوره !!
الكـل من غيبَتْـهِ .. يتْــشَرّب .. الآه
..........ايلين تنبـت ( آهته ) .. في شعوره !!
والشارع .. اللي ترتسم ..فيه ذكراه
........ماعاد فيه .. (اطفال) ... تلعب .. بكوره!!
والمنزل اللي احتضَنْه ... بزواياه !!
......... حتى فـ شهر (تمّوزِ) .. ماصرت.. آزوره!!
الغايب .. اللي في ضلوعي ... بقاياه
........وفي يدي .. آشم ريحة ..... (ديوره )!!
ماعاد باقي عمْر .. يسـتاهل احياه
............لأن عمري .. يبتدي .. من حضوره!

...................................
.
.
لاتضايق !!
إنت بس .. اضحك شوي
يمتلي جوف المسا
ضي ..\ وعصافير .. وحدايق !!
لاااتضايق !!
إنت بس افتح عيونك
شفت !!
كل ذولااا يبووونك !!
الشبابيك ..\
المرايا ...\
والورود ..
وْ.... (طفله )
من صدرك توااايق
لاااتضايق
كلنا .. نحبك كثييييير
هاااات يدّينك .. نطييييير
نسرق مْن الطير ...\
(صبح ) ...!!
ونصنع مْن الصبح\....
(طير)!!

و(حلم ) راااايق

لاااتضايق !!

.......................

.
.
الله يجازي.. هذاك الوجه..\ بالجنّه
....... الباسم .. الحالم .. المتفرد .. الحاني
احس كن الصباح اقبل ..واخذ منّه
........واحس كن العمر جابه .. \ واهداني
من كثر ماهو بطيب صرت احس انه
.......مخلوق من طين طيب ..\وطهر روحاني!!
.......................
.
تدري وش ابغى بسّ ...؟ [ ابغاني آنام ]
.............. ملّيت اصنع لي .... مسافات .. \ وآطيح ..!

..............................
.
يرتّل الشبّاك ..\ انشودة الصبح
........ وتمرّني اشيااء .. بيني وبيني !!
ياصاحبي دام القلوب امتلت قبح
....... لا تلومني .. لا حدّرت دمعتيني !!
القافله تمشي .. وماهزها نبح
...... ( المشكله .. \ لا خوّنت بي يديني)

........................
.
.
ماراح ادوّر بين الايدي ..\ اياديك
........ وماراح اقول ان الجفا حيل طوّل !!
بس كل سجده بدعي الله يشفيك
.......... ( يارب .. \ترجع مثل ماكنت اول )
.
...........................
.
البارحه مابين
دياجر العتمه
وشموعي الثنتين
كنت اشعر بكتمه
واهز كرسيّي
واثر السما تمطر .. !!
ومابه احد زيي
جالس كذا ينطر ..!
ولا احد
صدفه
مر ،،، وطرق بابي !!
ماغير صوت الريح
وطيوف غيّابي !!
ياغايب مْن سنين
تعااا ،،، / لعندي
و شوف
كيف امتلت هالعين
ملح .. / وسهر .. وطيوف !!
ياغايب مْن سنين
ماهزك التحنان ؟!
بعدك صفقت يْدين
وماحس بي إنسان .. !!
ماغير اطالع فوق
واشعل لك ضلوعي
شمع ... وقصايد شوق
واطفيها بدموعي !!
معقوله ماهمك
وعااادي .. / تعذبني
اف .. ياااثقل دمك
تعال رتبني
في شنطتك ثم ،،، / روووح
سافر .. لأي بلاااد
مافيها .. طعم جروح!!
وان جيتني لاااعاد
ترحل وتتركني
مثل هذاك العيد ..
يوم الشتا قاسي
والشوق اربكني
وناسي ماهم ناسي
وفي غرفتي
عتمه .. /
وبرا كثير اضواء
ومرت علي كتمه
وغرّقت وجهي ماااء !!


.....................
.
.
.
للمطار ....... / وللممرات الحزينه
........... للشموع .. وللغياب.. / .... وللجروح :
من يصدق ماهو فْ نفس المدينه
.........(علموني ان ضاق صدري ../ وين اروح )!!
وين اروووح !
....................
.
اتذّكرك ... تمطر سما الصبح ... [احباب]..!
............. وافتح شبابيكي كذا ........\ يمكن المَحْك ...!

بشويش ياغااايب ...... ترا يكفي غْياب
...............[ البارحه .... قرّبت انسى .... ملامِحْك ] ..!

...............................
.
آه .. يا اعتم طريق
يبْس قلب ..\
.......وجف ريق !!
وصارت الذكرى .. / حزينه !!
وصرت اتمتم ... \
بس اتمتم :
موحشه هذي المدينه !!
موحشه .. هذي المدينه ..!
.............................

.
.
.
ذكرتك .. وارتبك فيني كلام .. وصوت تنهيده
............... يا أطهر من وطى فوق التراب .. وقبّل اقدامه
ذكرتك وارتعش صدر الظلام .. وصافحت إيده
............... خيوط الصبح لجل تحيك منها .. [ كِنزة احلامه ]
ذكرتك .. وانطلق سرب الحمام .. وصوت تغريده
............... من اغصان الشجر ..يصدح بهآ العصفور لأيامه
[نبي الله] .. ومن غيرك يحب المجد .. تمجيده
................ ياهامه ماتِطاولها .... على هالأرض من هامه ..!
صلى الله عليه وسلم
.........................
.
وابروز صورتي ... مابين أصباعي
...........واحس ان الوجع .. \ واقف يناااديني !!
وكلْ ما أمطرت عيني .. من اوجاعي
..........احس ان كل شي ..\ يطيح من عيني !

..............................
.
ياطفلتي .. والصبْح مابلّ شباك
............. وانتِ تبلّين الصبآح ....\ بشقاوَتْك !
ياطفلتي ..من قبْل لا أبعد هنااك
............تعااالي ... اخذي من يديني ...حلاوَتْك!
.....................
.
.
من سنين البرد ...\ يابرد السنين
............. ذبْلَت اغصاني ..... ذبَل تغريدهم ,!
يالشتآ .... بالله ..... ردّ الغايبين
............ ولاتجي إلا \..... يدينك .. فــ ايدهم,!
........................
.
.
وبَعَد مامرّت .. سْنين .. وكبرت شوي
........... رجعت اشتاق لك .. وابكي ...\ و ِ أنده لِك .!

على حد العتيم ..آحس طيفك .. ضي
.......... وعلى حد الجفآ .... اصرخ ..: على مهلِك.!

وعلى وجه المرآيا ..\.. صرت الاحظ شي
.........احس اني غديت ......\.. كْـثييير .. اشبه لِك .!

تعآاال ..وفضفض جْروح اغترابك .. لي
......... مب انت .. تعدّني أول....... مثِل أهلِك ؟

.....................


{ .. المعطف السآده ..!
.
.
.
يالله .. بنام الحين .. دام الليل
............. يصنع من اوجاعي لي .. وْسآده .!

كلْ ليل أبكي ..واحضن المنديل
............ايلين.. مآصآر البكي ..عآده ..!

وكلْ ليل..أطفي داخلي .. \قنديل ..!
............. واعمل لذاك المشهد ..... \ اعاده ..!

ياضحكتي ماعآد ..\ فيني حيييل
............ باموووت .. \ والأوجآع ... هدّاده.!

والأمنيات اللي عليّ .... \.. تْسيل
..............سالت...عشآن تْجفّ..\.. ياسآده.!

والغآيب .. \ اللي مع غيآبه .. ويل
.............. ويلبس هذآك {.. المعطف السآده.!

قولوا له : اني مُتعَبَه ..\..و اشيل
..............فوق التعب .... \ طعناته ...زْياده.!

وقولوا له : انْ ذكراه .. \.... والأوتيل
..............والبآخِره ..... \ وشموع أعيآده

والأمسيآت .....\... وضفتين النيل :
.............. يبكون .... \ زي ماتبكي بْلآده.!

والخآفق اللي انولد ...\فـ ابريل :
.............لا يموّته ...\ في عيد ميلاده ..!

يالله..برووح آموووت ..\ قبل الليل
............. عفواً بنااااام


{ .. وإشششّ ياااسآده ...!

ياحبيبي ... يابو القلب .... الجليييد
.......... كلّ عآم ... وإنت ناسيني ....\ وانا

كلّ عآم ...اذْكرْك ...وابدا من جديد
......... وكل ّ عآم .... اعيّد ...\ بجرح وعنآ

آآآخ .. ياطعم الحزن .. واليوم عيد
.......... ودي ابكي .... { لكن اخواني .. هنآ ..!
.
.
كنّا نصحّي بعْضنا .. لاغفى الجرح
............ وصرنا نصحّي الجرح .. \ ونروح نغفى ..!
.
كنت طفله ... \ واسأل الأطفال عنّي
............. ازرع الغيم .... \ لصبآحات الشقاوه ..!
.
.
ياشرفة الغيّاب .. كم غايبٍ جآي...؟
..........وكم غايبٍ ... بيظلّ .. (ذكرى حزينه) ..؟
وكم من صبآح يمرّني ..يطْفي اشياي..؟
........ وكم شيّ مرّ الصبح .. واطفى حنينه ..؟

.
.
تمطر ... وطفله فوق هذاك الرصيف
................ تتوسّد البرد .......\ وتضمّ كْتوفهآ ...!

اختارت العيشه على كسرة رغيف
................. بس ماتمدّ لأيّ شخص ..... كْفوفها....!

.
لايضيق الصدْر .... من كثر الجراح
............ ولايموت الورْد .....من خنق اليدين ...!
الصبآح .. اليوم ماكنّه ... صبآح
.............. كيف اروح الجامعه ... وانته حزين ؟
.
قلْ للمطر : لو مَ احتفت به .. سحآبه
......................... أنا بشرّع معطفي ....\ واحتفي به .....!
.
.
أنا من طين ... واحلام السعآده ... كلّها من ( طين ) ..!
............... تَهَدّم ... كلّ ماهبّت (مواجع) ..... والتحفتك ... شآل ...!

أشوف الحزْن فـ عْيون الصباح .. وطلّة ..( التشرين)
.............. وابعثرني على مينا الجروح ..... و أسمِعِك (يامال) ...!

واجي ببكي ... ولكنّي .. اذا اتذكرت ...: ( لااااتبكين)
............... أردّ الدمعه لْعيني ...\.. واقول : ( البكْي ِ للأطفال ) ..!


<<<<<<<<<<<<<<<<<<<<<<<<<<

.
.
ياصآحبي والشتآ ... مايرحم اضلاعي
............. وانته بحلم الدفآ .... دايم تعلّقني ...!
يذبحني البرد ... أو تذبحني اوجاعي
............. ماعاد تفرق معي ..وانته مفارقني ...!
........................
.
.
ريح المطر ........ مثل العطر
.......... اتعطّره ......... \ .....واطرب غِنا :
طشْ يآمطر......\ طشْ يآمطر
............ واغسل من ضلوعي ..... (عنا)
واغسل ديار اللي ....نطر
............ وقلّه : وَحَش قلبي ....... أنا
........................
يالله تعال .... { آوادعك .. ما دام
................ وْصالنا ..... ماعآاااد يمدينا ....!
(يمكن يجمّعنا ... شتا .... هالعام
.............ويمكن نموت .......\ وماتلاقينا ) ...!

............................
.
بلّيت وجهي ... بالشرود ... وبلّني
................... بعض الحنين ....\...... وْ إندفنت فـْ معطفي...!
ضيّعت نفسي ... \ من عليّ يْدلني ..؟
................... حصرت كلّ النور .... واخترت [انطفي ]
ملّيييت مني .... \ لين .... كلٍ ملّني
.................... تعبت احضر .... قلت : [ احسن اختفي ] ..!

فيروز .. يالله بنام اليوم ..... من بدري
.............. بلحق على الصبح .. قبل الصبح ما يهرب ...!
سنتين والليل غافي ..في [ قفص صدري]
............. كلْ ما بغيت اطْلقه .... \ يتشبّث ويقرب ...!
احتاج حاجه .. ولكن ويش هي ! .. مدري
.............. فيروز تكفين غني للفرَح ...... بطْرب ...!
ملّيت ارتّب لإيواء الحزن ..... خدري
............... ملّيت اعشّم ضلوعي .... بالضيا.. واغرب ..!


انا اللي محدٍ .. تِجرأ .... ينقِص بْقدري
................ [ لك يضرب الحب .. شو بيزلّ لك يضرب ]

.
يالله .. نبلّل بالمطر ..... إحساس
......... يـ اقرب من انفاسي .....\ لِأنفاسي ..!
من كثْر ماحسّ انت { غير الناس
......... آمنت .....\ إنّي غير بـ احساسي ..!

الصبح طاح .... و إمتلى صبح دارك
.............. وناديت : ياشبّااااك ..... \ ماردّ شبّاك ..!


هنا برد ... ولبس صدر السما ... هالليل
................. هنا الأشياء .... تِتْعاتب ...... مع الأشياء ..!

هنا ضوضاء ... محتاجه هدوئي ... حييل
................... هدوئي لااازم يشتّت ...... بَعَض ضوضاء ...!

هنا [ عتمه ] ..... \ وانا في داخلي قنديل
.................. انا عتمه .... ومن حولي .... [ كثير اضواء ] ...!

هنا كذّب عليّ [ ابريل ] .... وراح ابريل
.................. وخلّاني [ لبيبه ] ....... \ خااانها الإيمااااء..!

ربع ساعه ... وتجيني [ النادله ] .. بتْشيل
.................. بقايا قهوتي ..... : [عفواً أبي لي ماااء ]...!

نشَف ريق الشعور ... وحاجته .. [ تبليل ]
.................. هلَك جسم القصيد ..... وصاااابه الإعياااء ..!

تعبت آفضفض دْموعي ... [ لصدر منديل ] ..!
.................. تعبت آقول للفرحه ..... : أبي أصدااااء ..!

تعبت آشّد من حيلي ...... وطاح الحيل
.................. تبعثر لين صار اشلاء .... فوق اشلاااء ...!

انا ماميل لاقام [ الشعور ] ....... \ يميل
.................. انا مابوح لا شفت الصدور ....... [ اعداء ]..!

اصبّ [ النور ] ... في كفّ الفجر... ويسيل
................ اصير ارجاااء ... لا ضاقت بهم .... ارجاااء ..!

انا جيل بأحاسيسي .... يـا أغرب جيل
.................انا [ الإيه ] .. الوحيده ... في زمااان [ اللاء ]

انا اكرم [ حلْم ] ... والواقع معاي بْخيل
................ انا اوعى عقْل .. واحتاااجِ لبَعَض ..\ [ اغماااء ] ..!


.
.
قِد قالت امّي .. ذاات ليله ... والنّجوم تْحوفني :
..................... يابنيّتي ..... \ بعض البشر .. لااازم نِضِحّي لاجلهم ...!

طبّقت هاذيك الوصيّه ..... مثْلِ منْت تْشوفني
..................... واحتجت أمس لْتضحيه ... ناااديت ..\ راااحوا كلّهم .!

عن سطْوَة البررد .. محتاجه [ لِيَدّينك ] ..!
......... ومحتاجه لْـ [كُوب قهوه] ينْعِش انفاسي ..!

ياللي رحلت وذبَل صوتي .. على: [وينك] ..!
........ البرد قاااسي .. و ِ إنت تشابهه .. قاااسي ..!
آخر مواضيعي 0 الشــاي يحلــى مجــرد يلمـس شفــاتك
0 كِنت آتمنآكَ لي وآنته تمنآنيِ لكِن آلآيآمِ عكس آلعآشق وودهَ ..{{
0 دخيل الله"عيونك لا تطالع لي كذا أتعب !!
0 ترفضين آللي يجونك يطلبونك بـ آلحلآل
0 ((يقول اللي جرح قلبه حبيبه))






توقيع » جوررريه






~ {{


آصًـع’ــبٌ آلـذِڲـريــأإتٌ ...

هًيٌ |[ ذِڲريــأإتٌ آلـصَدِأإقــًـﮧ ]| ~

عِندًمــآ نسًترجعٌ آيآمًنــآ مًعِهمٌ ۈ نبـڲيُ عًلىْ آيـــآمُ


لمُ يًـع’ــدِ لهــآ ۈجــًـًـًـًــودِ =’(


}} ~












 
 
قديم 06-29-2010, 06:51 PM   رقم المشاركة : ( 2 )
..:: اسوار متقدم ::..

الصورة الرمزية وشاح الحزن

الملف الشخصي
رقــم العضويــة 454713
تـاريخ التسجيـل Oct 2009
العــــــــمـــــــــر
الــــــــجنــــــس  female
الأقـــــــامـــــــة في عمق الأحزان
الدولــــــــــــــــة
المشاركـــــــات 7,959 [+]
عدد الــمواضيع
عدد الـــــــردود
عدد الـــنقــــــاط 213
قوة التـرشيــــح وشاح الحزن has a spectacular aura aboutوشاح الحزن has a spectacular aura aboutوشاح الحزن has a spectacular aura about
بيانات اضافيه [ + ]

وشاح الحزن غير متواجد حالياً

افتراضي

يااااالبى الذووق أنا
مقتطفاات جميلهه
يسلمك ذووقك
تحياااااااااااااتي
آخر مواضيعي 0 قــدهـآ ـولآ مــو قــدهـآ
0 نـــصــــــف أنـــســــان
0 لن يعود ........
0 صور دمى وكأنها إنسان ( ولا أحلى منها)
0 فضيحة ( كـنـتـاكـي)






توقيع » وشاح الحزن
 
 
إضافة رد

مواقع النشر (المفضلة)

الكلمات الدلالية (Tags)
خــــــــــواطر منوعه


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم


المواضيع المتشابهه
الموضوع كاتب الموضوع المنتدى مشاركات آخر مشاركة
صور +صور منوعه همس الافلاج صور منوعه Photos - صور فلكر - خلفيات للكمبيوتر جديده 17 06-17-2010 12:55 AM
قطط - cats 2010 - cat قطط - قطه 2010 - قطط منوعه قطط تلعب قطط صغيره قطط منوعه آسـgآري منتدى تربيه الحيوانات و القطط الاليفه - بيع قطط 3 04-13-2010 02:24 PM
صور مسن منوعه، صور مسنجر بنات ،صور مسن21صوره منوعه ¬ آטּـيــטּ الصـםــــت ツ صور رمزيه و شخصيه ماسنجر للماسنجر - خلفيات للماسنجر 5 12-31-2009 08:36 PM
صور منوعه كلي دوق صور مسلسلات عربيه خليجيه - صور فنانات و ممثلات 2013 2 10-26-2009 07:23 AM
رسائل وسائط للعيد منوعه وجديده , mms للعيد منوعه وجديده 2010 آسـgآري مواضيع العيد - كل مايخص الاعياد 2 09-19-2009 04:46 PM


الساعة الآن: 01:31 AM


Powered by vBulletin® Version 3.8.7
Copyright ©2000 - 2014, Jelsoft Enterprises Ltd.
Search Engine Optimization by vBSEO ©2011, Crawlability, Inc.

تنبيه: لا يتحمّل موقع ومنتديات أسوار أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر وللتبليغ عن أي مواد مخالفة يرجى مراسلتنا من هنا .