العودة   منتديات اسوار 2014 > منتديات نسائية للأزياء والفساتين > فساتين سهره و سهرات - فساتين بنات و اطفال - فساتين 2013
هل نسيت كلمة المرور؟

فساتين سهره و سهرات - فساتين بنات و اطفال - فساتين 2013 فساتين سهرة للبنات و فساتين ناعمه دانتيل و ترتر و حلوه دلع , فساتين نسائية للحوامل 2013 - 2014 جديدة

كيفية عمل الخمار مع أشكال الوجه المختلفة

فساتين سهره و سهرات - فساتين بنات و اطفال - فساتين 2013

إضافة رد
 
LinkBack أدوات الموضوع إبحث في الموضوع
قديم 06-05-2009, 04:57 PM   رقم المشاركة : ( 1 )
:: أسوار نشيط ::

الصورة الرمزية عيون جميلة

الملف الشخصي
رقــم العضويــة 204334
تـاريخ التسجيـل Apr 2009
العــــــــمـــــــــر
الــــــــجنــــــس  female
الأقـــــــامـــــــة الجزائر
الدولــــــــــــــــة
المشاركـــــــات 88 [+]
عدد الــمواضيع
عدد الـــــــردود
عدد الـــنقــــــاط 10
قوة التـرشيــــح عيون جميلة is on a distinguished road
بيانات اضافيه [ + ]

عيون جميلة غير متواجد حالياً

B16 كيفية عمل الخمار مع أشكال الوجه المختلفة

إيه هي أحدث خامات الطرح؟

كل فصل من فصول السنة له خامة، يعني في فصل الصيف ممكن نلبس الطرح الأقطان الخفيفة والشيفون.. وفي فصل الشتاء نلبس الطرح القطن الثقيلة شوية وهي موضة جدا السنة دي، أما الأورجانزا والتول والشيفون فممكن نلبسهم في أي وقت وبيناسبوا أكثر السهرات والسواريه.





أحدث أشكال ونقشات الطرح إيه؟

الألوان المتداخلة مازالت موضة والطرح الكاروه والطرح المنقطة والطرح اللي فيها كور موجودة بكثرة والطرح المقلمة..
ومعظم الخامات دلوقتي فيها لمعة وممكن نلاقي اللمعة الفضي والذهبي مع بعض، يعني مثلا تلاقي القماش كاروه أحمر وأسود وفيه لمعة فضي أو ذهبي ولون رصاصي وفيه لمعة فضي، والأشكال المنتشرة الآن الطرح الضخمة زي (الشال).

واللمعة اللي موجودة في الطرح ممكن نلبسها في النهار؟

معظم البنات كانوا متخوفين إنهم يلبسوا الطرح اللي بتلمع في النهار لكن دلوقتي أصبحت موضة جدا.




هل ربطة الطرحة الإسبانش تراجعت شوية؟
أيوه الربطة الإسبانش تراجعت وأصبحت منتشرة حاليا الربطة المنفوشة وخصوصا الطرح الصوف المنقوشة ونازلة على الظهر كله ووجود أكثر من طرحة مع بعض.




وإيه هي أحدث أشكال وأنواع البندانة؟

أولا أنا عايزة أنصح كل البنات بإنهم يلبسوا (البندانة القطن) في الأساس على شعرهم مباشرة لأنها مفيدة وصحية جدا وتمنع تساقط الشعر وتحافظ عليه وكمان بتساعد على وضع الدبابيس كويس ولا تساعد على تزحلق الطرحة...

وعلى فكرة البندانة دلوقتي بقت بديل عن الطرحة، يعني تقدر البنت تضع أكثر من لون للبندانة على إنهم طرح ملونة وتضع في النهاية طرحة واحدة في الواجهة، وفيه أنواع كثيرة من البندانة زي البندانة "الليكرا "- "شيفون"- "التول". وعرضها 10سم وطولها 30 سم وكمان البندانة المستطيلة والبندانة الكاملة على الرأس وممكن البنت تلبسها بطريقة مائلة والعكس


هل ممكن البنت تستخدم الطرحة لإخفاء عيوب الوجه والمناطق الضخمة في وجها؟
آه طبعا.. أكيد..

طيب ازاي؟
شوفي لو مثلا البنت وجهها طويل يبقى تحاول تعمل الطرحة لتحت في اتجاه الخلف أو على جنب، وبعدين تقصر الجبهة وتضيف أي حاجة على الجانب علشان الوجه يبان إنه عريض.
وخلّي بالك إن الوجه الطويل لا يتناسب معاه الربطة العالية لأنها هتطوّل الوجه أكثر.

طيب لو بنت وجهها مدوّر؟
يبقى بلاش تلف الطرح على جنب إطلاقا لأنها تزيد من مساحة (الخدود) وتعمل الطرحة للخلف، لتحت أو لفوق، وممكن تعمل الطرحة شينوه لفوق، وممكن تعمل الربطة ديل حصان لفوق عشان الوش يكون رفيع.

والوجه المربع أو المستطيل؟
الوجه المربع والمستطيل بيكون عنده أربع بذور، اثنتين في الجبهة واثنتين في الفكين وعلشان كده لازم تنزل بالطرحة لتحت شوية ونعمل (كروس) طرحة عكس الثانية والطرحة بتساعد إن الوش يكون رفيع وتحاول تداري الجبهة وتحاول تنزل بالطرحة على الجبهة وتقفل الجبهة.

والوجه البيضاوي؟
معظم الربطات تمشي معاه وممكن تعمل ربطة على جنب أو تقفل من قدام أو تعمل كروس.

طيب صاحبة الأنف الكبير تعمل إيه؟؟
صاحبة الأنف الكبير بيكون عندها مشكلة في الحجاب لأن أنفها ظاهر وواضح في الوجه وفي هذه الحالة ماينفعش معاها إننا نعمل إسبانش للخلف أو طرحة هابطة وماسكة على وجهها فتحاول إنها تلبس طرحة منفوشة شوية أو تضع إكسسوار أو تعمل أكتر من طبقة أو تدخل أكثر من بندانة عشان تخطف العين ولا تجعل التركيز على أنفها.

لو الشفايف كبيرة نعمل إيه؟
نفس الحكاية تحاول تلفت النظر بأي شيء يبعد التركيز عن وجهها وتعمل ماكياج كثير على عينها والطرحة تكون منفوشة وتغير في الربطات والألوان.

نتكلم بالتفصيل شوية عن شكل الربطة المناسبة للبنت في الجامعة؟
ربطة الطرحة لازم تكون بسيطة وخفيفة فممكن تستخدم طرحة أو طرحتين على الأكثر.. يا ريت تحاول تبعد عن الألوان الكثيرة وتكون رقيقة على قد ما تقدر وتبعد تماما عن التول والأورجانزا. وتاخد بالها كويس جدا من لبسها فلو مثلا لابسة حاجة سادة يبقى ممكن الطرحة يكون فيها ألوان، لكن لو لابسة حاجة ملونة أو فيها نقوش يبقى لازم الطرحة تبقى سادة.

وممكن البنت تنوع في شكل ربطة الطرحة بتاعتها وهي رايحة الجامعة فممكن إنها تعمل ربطة إسبانش، بس تاخد بالها إنها تلفها زي الكحكة وتجيبها على قدام، ولو مش عايزة إسبانش يبقى تربطها عادي بطرحة أو طرحتين أو طرحة وبندانة.








عايزين طريقة لفة طرحة تكون روشة؟
1 - نجيب إيشارب واحد نربطه من الخلف طرف طويل وطرف قصير.
2 - الإيشارب الثاني نمسكه بطريقة مائلة ونربطه من الخلف.
3 - كده أصبح عندي أربعة أطراف في الخلف، 2 قصيرين و2 طوال.
4 - بعد كده أجيب واحد من الطرفين الطوال وأطلع بيه عدل وأربطه تاني للخلف.
5 - كده المنظر أو الشكل عدل بميل واللي بعده عدل.
6 - هيكون باقي عندي طرف طويل وطرفين قصيرين.. في هذه الحالة ممكن أجيب الطرف الطويل ألفه على الكحكة وأجيب الثلاثة أطراف على قدام.
7 - لو الأطراف طويلة أعملهم ضفيرة لقدام أو على الخلف.
8 - وممكن فكرة ثانية أجيب الطرف الطويل ألفه على الطرفين القصيرين وأمسكهم في النصف بإكسسوار على كحكة من وراء.
9 - إذن المنظر في النهاية هيكون من قدام عدل ومائل ومن الظهر الأطراف عاملة زي (ذيل الحصان) ومربوطة بإكسسوار.









ربطة الطرحة السواريه تكون عاملة ازاي؟
الأفضل تكون أكثر من طرحة وفي البداية:
1 - أبدأ الأساس بالطرحة الشيفون.
2 - بعدين أضع الطرحة التول عشان بيعطي للبنت شكل فخامة.
3 - وبعدها أضع إكسسوار زي (شريط ستان – سلاسل خرج النجف) أو قطعة من الفستان.
4 - وبعدها أقفل الطرحتين بأكثر من طريقة ممكن الشيفون والتول مع بعض لقدام أو المهم مع بعض كلهم شنيوه عالي لفوق.

عايزين نعرف طريقة ستايل لربطة التول والشيفون؟
1 - أجيب الطرحة الشيفون أربطها على شكل كحكة.
2 - أجيب الطرحة التول وألبسها من الخلف وأعملها كروس على قدام.
3 - أنزل بيهم تاني للخلف وكده هيعطيني شكل البندانة.
4 - بعد كده ألمهم كلهم مع بعض على تحت الشيفون مع التول





عايزين نعرف طريقة ثانية لربط ثلاث طرح وتكون روشة؟
1 - الطرحة الشيفون أول طبقة.
2 - الطرحة الثانية أجيبها من نصف رأسي بالطول.
3 - الطرحة الثالثة التول أطلع بها كروس لفوق.
4 - أجيب الطرحة الشيفون اللي عملتها من نصف رأسي للوراء.
5 - أرجع تاني وأقفل (كروس) وأنزل كأني أدخلت الشيفون وقفلتها من المنتصف.
الشكل هيظهر عندي كالتالي:
6 - اللون الأول قفلت بيه شعري.
7 - بعدين طلعت بالتول كروس.
8 - وبعدين قفلت من النصف بلون ثاني شيفون.
9 - وكده هيكون شكل الألوان متداخلة. وقفلت المنطقة الأمامية.

بعد كده أعمل إيه؟!
10 - هتكون عندي الأطراف للوراء.

أعمل فيها إيه؟
11 - لو وجهي مليان تكون الأطراف للوراء.
لو وجهي رفيع أجيب الأطراف للأمام.
لو جسمي قصير أرفع الأطراف لفوق.
لو جسمي طويل أنزل بالأطراف لتحت.




فيه بنات كتير بتحب تلبس طرحة واحدة. تربطها ازاي؟
دي ليها أكتر من طريقة:

الطريقة الأولى:
تربطها عادي جدا من الخلف وبعدين تجيب الطرفين على قدام وتربطهم كأنهم زي (الإسكارف أو الكوفية) وتمسكهم بإكسسوار من النصف وممكن تلبس بندانة.


الطريقة التانية:
تربط الطرحة من الخلف وتجيب الأطراف لقدام على شكل حلزوني وتربط أطرافهم بإكسسوار أو شريطة.

طيب والبنات اللي بتحب تلبس أكتر من طرحتين.. الربطة تكون ازاي؟
تعمل طرحة واحدة عدلة وتطلع بواحدة كروس والثانية عدلة أو تلبس بندانة والطرحتين كروس، يعني تضعها بطريقة مائلة وتربطها من الخلف.. والطرحة الثانية تكون عكس الكروس الأول وتربطها بطريقة مائلة من الخلف وممكن تعمل كمان من الأطراف كروس عكس الكروسات الأولى.

البنت المصرية بتحب الربطة الخليجي.. تعملها ازاي؟
1 - تجيب بندانة وتلبسها كويس على رأسها.
2 - تجيب الطرحة وتلفها وتكون من الناحية اليمين قصيرة ومن الناحية الشمال طويلة.
3 - وتربطها بدبوس وتكون (مرحرحة).
4 - بعد كده تجيب الطرف الشمال وتلف الطرحة على الرأس بشكل طرفين.
5 - وبعد كده الناحية القصيرة تتركها على كتفها وتجيبها من الخلف إلى الأمام.


واللفات المغربي والهندي بتكون شكلها ازاي؟
اللفات دي بتكون غير ثابتة ولفها بيكون بطريقة عشوائية وتكون مطابقة لشكل العبايات لأن المغاربة بيحبوا يلبسوا عبايات وتكون خامة الطرحة نفس خامة العباية ويضعوا إكسسوار على الطرح وبيعملوا أكثر من لفة وينفشوها








الربطة المنفوشة أعملها ازاي؟
1 - أجيب طرحة وأربطها من الخلف إسبانش.
2 - الطرحة الثانية نجيبها لقدام.
3 - الطرحة الثالثة تكون منفوشة ونربط طرف منها على فوق والطرف الثاني على الكتف.
4 - الناحية العريضة نرفعها لقدام كأنه شال.

ما الألوان المتناسقة مع بعضها وتكون موضة؟
الفوشية مع الأحمر، والأورانج والبني، والموف مع الأصفر والتركواز.. وأنا في رأيي إن معظم الألوان تتناسب مع بعضها لكن المهم اختيار الدرجة.. يعني درجة معينة مع الأصفر ودرجة معينة مع التركواز وتداخل الألوان يحتاج تركيز ويعتمد على الإحساس الشخصي.

لو مش عاوزة ألبس الطرحة نفس لون البلوزة أعمل إيه؟
لو البلوزة أورانج مثلا ممكن ألبس طرحة زيتي أو بصلي أو أكثر من لون بس يكونوا مناسبين للون البلوزة








ازاي أنسق الإكسسوار مع الطرحة؟
يعني مثلا لو البلوزة صفراء ممكن ألبس طرحة تركواز والإكسسوار يكون تركواز أو تركواز في أصفر. ولو البلوزة زيتي ممكن الطرحة تكون صفراء والإكسسوار أصفر في زيتي، ولو البلوزة بيضاء فكل الألوان تتناسب معها، والإكسسوارات تكون ملونة ومتداخل فيها ألوان كثيرة..


آخر مواضيعي 0 هولندية أسلمت على يد شاب جزائري
0 اختاري لون شعرك من الطبيعه,,مجربه ومضمونه
0 الشخشوخة البوسعادية........بالصور
0 شقـــاق بين الأشقاء
0 عطور نسائيه قد تقود الى العقم...






توقيع » عيون جميلة
 
 
قديم 06-06-2009, 12:35 AM   رقم المشاركة : ( 2 )
::. اسوار محترف .::

الصورة الرمزية مزاد الاخرة

الملف الشخصي
رقــم العضويــة 109168
تـاريخ التسجيـل Nov 2008
العــــــــمـــــــــر
الــــــــجنــــــس  female
الأقـــــــامـــــــة parissSss seulement
الدولــــــــــــــــة
المشاركـــــــات 5,221 [+]
عدد الــمواضيع
عدد الـــــــردود
عدد الـــنقــــــاط 286
قوة التـرشيــــح مزاد الاخرة is a jewel in the roughمزاد الاخرة is a jewel in the roughمزاد الاخرة is a jewel in the rough
بيانات اضافيه [ + ]

مزاد الاخرة غير متواجد حالياً

افتراضي رد: كيفية عمل الخمار مع أشكال الوجه المختلفة

حلوة كتير

شكرا خيتووو
آخر مواضيعي 0 فضل العمل والعبادة في عشر ذي الحجة أفضل أيام الدنيا مهم جداآ
0 بلجيكا الخيـــالـ (:
0 سورينام - اصغر دول امريكا الجنوبية واجملها !
0 هل الروح بعد الموت .................؟؟؟؟؟؟؟؟؟؟؟؟؟؟؟؟؟؟ عاجل للمعرفة
0 ●●●●● مسابقة ( محب السنه ) لشهر رمضان المبارك حياكم للإشتراك بالمسابقه ●●●●●






توقيع » مزاد الاخرة

لا اله الا الله



رمضان كريم للجمييييييييييييييييع
راح اغيب فترة لظرووف ملحة




 
 
إضافة رد

مواقع النشر (المفضلة)


الذين يشاهدون محتوى الموضوع الآن : 4 ( الأعضاء 0 والزوار 4)
 
أدوات الموضوع إبحث في الموضوع
إبحث في الموضوع:

البحث المتقدم


المواضيع المتشابهه
الموضوع كاتب الموضوع المنتدى مشاركات آخر مشاركة
(`'•.¸§( إكسسوارااات بالمناسبااات والإحتفالااات المختلفة )§ ¸.•') سكوتي كلام صور منوعه Photos - صور فلكر - خلفيات للكمبيوتر جديده 13 08-11-2009 10:37 AM
- اقوى موسوعة للنكت الجديدة المختلفة والصور المضحكة ملهوش حل هههههههههههههه nr20092010 دجه و صرقعه - صرقعه في صرقعه 5 05-23-2009 05:19 PM
أشكال روعه ^_^ مجروحه الايام صور منوعه Photos - صور فلكر - خلفيات للكمبيوتر جديده 9 12-01-2008 07:07 PM
...::: أشكال بطيخيهـ :::... حزينة الامارات مطبخ حواء - طبخ بنات - اطباق رئيسيه - اكلات جديده 2013 - حلويات و معجنات 12 09-15-2007 09:02 AM
أسمـاء الأنسان في مراحل عمره المختلفة ...فتافيت السكر... منتديات العامه - مقالات مواضيع عامه 20 08-24-2007 07:50 AM


الساعة الآن: 03:08 PM


Powered by vBulletin® Version 3.8.7
Copyright ©2000 - 2014, Jelsoft Enterprises Ltd.
Search Engine Optimization by vBSEO ©2011, Crawlability, Inc.

تنبيه: لا يتحمّل موقع ومنتديات أسوار أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر وللتبليغ عن أي مواد مخالفة يرجى مراسلتنا من هنا .